” ‘A Fimmina “: i pensieri di Giampiero Amato (speciale 8 Marzo)
Quánnu sému nichi un ci firriàmu tantu n’túnnu, picchi un sapému ca su íddi ca ni misiru ò munnu
Di la testa a li peri ni parìanu di nui diversi, ma io cu’ un surrìsu e un paru d’occhi la testa ci persi
Già, aviti a sapiri cà l’omu arrinèsci e si senti affermàtu, quannu na vera fimmina avi o’ sò latu
Picchi è la fimmina chi l’omu lu renni tali, comu lu signuruzzu fici u Natali
Prontu cu è? Sugnu l’amuri.. ahh, ora cà ci si tu disìu d’iri davanti all’artàri, picchi idda nascìu p’ammìa completari
La fimmina, poi quannu addivénta matri e li figghi si metti addivàri, guai a cu ci tocca un si ci pò avvicinàri
Insomma la fimmina è un mari duci senza sali, prufunnu e si tá vivi ti passa ogni mali
Cu na varcuzza d’amuri, cu li veli di rispettu, si tratta la fimmina c’avemu ntò pettu
Dícinu ca la fimmina è comu li rosi, po aviri li spini, pò fari duluri, ma la fimmina è vita, a fimmina è amuri
Giampiero Amato